Bageecha

Narangi bageeche ke us paar,
Suraj apni aakhri saanse ginta hai.
Dum todte ujaale ko dekh,
Andhere ki aahaten hoti hai.
Humne toh kashti kabki chod di,
Hawaon ke sahare hi ab rah hai.
Timtimati chand roshniyon se,
Is hoti raat ka phera hai.
Upar niche ka farak raha hi nahi,
Hota bhi toh sirf leharo se hai.
Par ab raha nahi Kuch aisa,
Lehare saanse Tod chuki hai,
Aur Meri picha chodati nahi.
Shauq-e-gumnami ki hadden
Hume Kisi ne batayi nahi.
Humne bhi mudkar piche kab dekha hai.
Hawayen ab dur le aayi hai,
Saath mere woh bhi bebas ho Chalo hai.
Woh chalne se rukti nahi,
Kabhi ruki toh saanse hi ban jayi hai.
Bair pareshaani apni hi saanso se hai,
Par ilzaam duniya ko de baithe.
Jab duniya ne tauba ki humse,
Hum bhi aakad kar muh mod diye,
Ab sunsaan rah par kaha woh akkad hai,
Bas kabhi mehsus na hone wale ehsaas hai,
Kaali raat,aur bojh bhari jawa hai.
Ab uth chuka hai man is safar se,
Laut jaane ka irrada bhi nahi,
Khudkhushi karle,
Hum itne buzdil bhi nahi.
Phir wohi intezaar hoga,
Kaali syahi ko neel me badalna hoga,
Chehare par badhte waqt ke saath,
Jhurriyon ko badhna hoga.
Inhi ke bal par zindagi hai,
raah ke naam matra ki raah hai,
Us par hum raahgir hai.
Chalengi saanse tab tak chalegi yeh kashti,
Kaha humne hawaon ko roka hai.
Intezaar dhundlati roshni ka hai,
Us dhudhlane ke baad ke andhere ka hai,
Us waqt ka hai,
Jab subah hogi nahi,
Hum khud Kuch karle,
Itne hum kayar nahi.